Юлия Путинцева Монреальдағы турнирдің негізі кезеңінде ойнайтын болды

Қазақстандық теннисші Юлия Путинцева Монреальдағы (Канада) турнирдің іріктеуінен өте алмады, алайда негізгі кезеңде ойнайтын болды, деп хабарлайды Zakon.kz.

Путинцева іріктеу кезеңінің финалында аустралиялық теннисші, әлемнің 114-ракеткасы Кимберли Бирреллден 6:2, 6:4 есебімен жеңіліп қалды.

Алайда турнирден чехиялық теннисші Линда Носкова бас тартты. Осылайша, оның орнына қазақстандық теннисші қосылды.

Енді Юлия Путинцева турнирдің 1/64 финалында америкалық теннисші Бернарда Перамен ойнайды.

Еске салайық, қазақстандық теннисші турнирді іріктеу кезеңінің жартылай финалынан бастаған еді. Ол онда канадалық, әлемнің 860-ракеткасы Миа Купресті жеңді.