US Open-2023 турнирі сенсациямен аяқталды: Кори Гауфф стадионды дүр сілкінтті
Сурет: WTA
Гауфф өз мансабында алғаш рет теннистен АҚШ-тың ашық чемпионатының жеңімпазы атанды.
Ойын 2:6, 6:3, 6:2 есебімен аяқталды.
Кездесудің ұзақтығы 2 сағат 5 минутты құрады. Осы уақыт ішінде Гауфф екі эйс жасады, бес қос қателікке жол жіберді және тоғыз брейк-пойнттың бесеуін сәтті жүзеге асырды.
Соболенконың болса, төрт эйс орындап, алты қос қателікке жол берді және 10 брейк-пойнттың төртеуін орындай білді.
Турнирде жеңіске жеткен Гауфф 2000 рейтингтік ұпай және 3 миллион доллар жүлде алады. Соболенко өз кезегінде 1300 рейтингтік ұпай мен 1,5 миллион доллар жүлде қорына иелік етпек.
GRAND SLAM CHAMPION @CocoGauff!! 🏆#USOpenpic.twitter.com/RwFnZonBxI
— wta (@WTA) September 9, 2023
Raise it HIGH, Coco 🙌@CocoGauff 🏆 #USOpenpic.twitter.com/XqJbURskEl
— wta (@WTA) September 9, 2023
Бұған дейін Гауфф неміс теннисшісі Лаура Зигемундты (121-орын) 3:6, 6:2, 6:4, ресейлік Мирра Андрееваны (63-орын) 6:3, 6:2, бельгиялық Элиза Мертенсті (32-орын) 3:6, 6:3, 6:0, даниялық Каролин Возняцкиді (623-орын) 6:3, 3:6, 6:1, латвиялық Елена Остапенконы (21-орын) 6: 0, 6: 2 және чех теннисшісі Каролина Мухованы (10-орын) 6: 4, 7:5 есебімен жеңген болатын.
Турнир қорытындысы бойынша Гауф әлемнің үшінші ракеткасы болады, ал Соболенко WTA рейтингінде көш бастайды.
