Алуа Нұрманова Qatar Masters Open бәсекесінде жүлдегер атанды

шахмат , сурет - Zakon.kz жаңалық 22.10.2023 12:03

Сурет: Спортты дамыту дирекциясы

Шахматшы Алуа Нұрманова Дохада өткен Qatar Masters Open бәсекесінің қола жүлдегері атанды, деп хабарлайды Zakon.kz Спортты дамыту дирекциясының баспасөз қызметіне сілтеме жасап.

Ұлттық құрама ойыншысы 9 турдан кейін 4,5 балл жинады. Осылайша, ол Халықаралық спорт шеберінің бірінші нормасын және әйелдер Гроссмейстерінің екінші нормасын орындады.

Үндістандық Рамешбабу Вайшали мен Дивья Дешмух 5 ұпайдан алды. Қосымша көрсеткіш бойынша алғашқысы топ жарды.

Qatar Masters Open – әлемдегі ең беделді шахмат турнирінің бірі. Мұнда ФИДЕ рейтингі 2 300-ден жоғары ойыншылар ғана сынға түсе алады. Биыл 44 елден 252-ден астам шахматшы жиналды. Оның ішінде 8 шахматшының рейтингі 2 700-ден асқан, ал 60-тан астамы – гроссмейстер атағын алғандар. Турнирдің жүлде қоры – 108 250 АҚШ доллары. Бас жүлде иегері 25 000 АҚШ долларын алады.

Оқи отырыңыз