Монпельедегі турнирдің ширек финалында қазақстандық теннисшілер бір-біріне қарсы матч өткізеді

Бублик Шевченко, сурет - Zakon.kz жаңалық 01.02.2024 21:04

Сурет: Getty Images

Осы аптадан бастап Қазақстан атынан сынға түсе бастаған теннисші Александр Шевченок Монпельедегі турнирдің (Франция) ширек финалына шықты. Енді ол бұл кезеңде Қазақстанның бірінші ракеткасы Александр Бубликпен ойнайды, деп хабарлайды Zakon.kz.

Александр Шевченко турнирдің 1/8 финалында франциялық теннисші Грегуар Баррермен шеберлік байқасты.

Ол қарсыласын 7:6, 2:6, 6:3 есебімен жеңді.

Шевченко матч кезінде жеті эйс пен төр қос қателік жасады және жеті брейк-пойнттың тек біреуін пайдалана білді. Ал оның қарсыласы Грегуар Баррер бес эйс пен бір қос қате жасап, бес прейк-пойнттың екеуін өз есебіне жазды.

Бұған дейін Қазақстанның бірінші ракеткасы Александр Бублик Монпелье турнирінде камбэк жасап, жарыстың ширек финалына жолдама алған еді.

Еске салайық, бұған дейін Ресей атынан өнер көрсетіп жүрген 23 жастағы теннисші Александр Шевченко осы аптадан бастап Қазақстан атынан сынға түсетінін жазған едік.

Шевченко ATP рейтингінде дәл қазір 59-орында тұр.

Оқи отырыңыз