Александр Бублик Дубайдағы ATP 500 турнирін жеңіспен бастады

Дубайда (БАӘ) ATP 500 санатындағы турнир басталды. Қазақстан ерлер құрамасының көшбасшысы Александр Бублик жекелей сында бірінші айналымдағы кездесуін өткізді, деп хабарлайды Zakon.kz.

Александр Бублик (№23 ATP) чех Томаш Махачты (No65 ATP) 2:6, 6:3, 7:6 (7:5) есебімен ұтты. Теннисшілердің кездесуі 1 сағат 57 минутқа созылды.

Бублик жеті рет эйспен көзге түсті, алты қос қателік жасады және алты брейк-пойнттың үшеуін сәтті пайдаланды. Махач үш эйс, үш қос қате жасап, сегіз брейк-пойнттың төртеуін өз есебіне жазды.

Holding strong 👏@BublikAlexander defeats Machac 2-6 6-3 7-6 to move into R2 in Dubai!#DDFTennis pic.twitter.com/KNncjjSoSt

— Tennis TV (@TennisTV) February 26, 2024

Бубликтің Дубайдағы келесі қарсыласы Таллон Грикспор (Нидерланд) мен Абедалла Шелбайх (Иордания, WC) арасындағы матчтың жеңімпазы болады.