Олимпиаданың 10-шы жолдамасы: Мұхамедсабыр Базарбайұлы молдовалық қарсыласын ойсырата ұтты

Мұхамедсабыр Базарбайұлы, бокс, Олимпиада жолдамасы, сурет - Zakon.kz жаңалық 02.06.2024 18:10

Сурет: ҚР ҰОК баспасөз қызметі

Таиландтың Бангкок қаласында өтіп жатқан Олимпиадаға іріктеу турнирінде Қазақстанның ерлер құрамасы соңғы жолдамасын алды, деп хабарлайды Zakon.kz.

Ұлттық Олимпиада комитетінің хабарлауынша, 63,5 келі салмақта сынға түскен Мұхамедсабыр Базарбайұлы шешуші жекпе-жекте молдовалық Александр Парасчивті 5:0 есебімен ойсырата ұтты.

Осылайша, Мырзағали Айтжанов шәкірттері Олимпиадаға толық құрамда барады.

Айта кетсек, бұған дейін Олимпиада жолдамасын тоғыз боксшымыз ұтып алған. Олар - Қамшыбек Қоңкабаев, Асланбек Шымбергенов, Махмұд Сабырхан, Айбек және Нұрбек Оралбай, Сәкен Бибосынов және Карина Ибрагимова. Сондай-ақ Валентина Хальзова 75 келіде және Назым Қызайбай 50 келі салмақта жолдама иеленген болатын.

Оқи отырыңыз