Уимблдон: Елена Рыбакина әлемнің бұрынғы үшінші ракеткасын ұтып, жартылай финалға шықты

Қазақстанның төртінші ракеткасы Елена Рыбакина Лондонда өтіп жатқан Уимблдон турнирінде ширек финалдық кездесуін өткізді, деп хабарлайды Zakon.kz.

Елена украиналық теннисші Элина Свитолинамен (WTA әлемдік рейтингі бойынша 21-орын) ойнап, екі сетте 6:3, 6:2 есебімен жеңіске жетті. Кездесу бір сағат бір минутқа созылды.

Кездесу барысында Рыбакина алты эйс жасап, бір рет допты ойынға қоса алмады және алты брейк-пойнттың төртеуін сәтті пайдалана білді.

Айта кетейік, жартылай финалда 25 жастағы қазақстандық теннисші Барбора Крейчикова (Чехия) - Елена Остапенко (Латвия) жұбының жеңімпазымен ойнайды.