Әмір Омарханов Уимблдонның үшінші айналымына өтті

Қазақстандық Әмір Омарханов жасөспірімдер арасында өтіп жатқан Уимблдон турнирінің екінші айналымындағы ойынын өткізді, деп хабарлайды Zakon.kz.

Әмір Омарханов бұл кезеңде Ұлыбритания теннисшісі Люк Хупермен кездесті. Ол қарсыласын 6:4, 5:7, 6:3 есебімен ұтты.

Посмотреть эту публикацию в Instagram

Публикация от Kazakhstan Tennis Federation • Almaty Open (@ktf.kz)

Енді қазақстандық жас теннисші үшінші айналымда жарыстың бірінші нөмірлі теннисшісі Кайлан Бигунмен кездеседі.

Қазақстандық тағы бір теннисші Соня Жиенбаева бүгін екінші айналымдағы матчын жалғастырады. Оның ойыны кеше жаңбырға байланысты кейінге қалдырылған еді. Ол жапониялық қарсыласын алғашқы сетте 6:3 есебімен ұтып, әзірше алда келе жатыр.