"Асылхан бәрін у-шу қылды". АҚШ-тағы қазақстандық боксшының жекпе-жегі үлкен дау туғызды
Сурет: видеодан алынды
19 жасқа дейінгі спортшылар арасындағы финалда 65 келіге дейінгі салмақта Көшербай Макконнелді екі рет нокдаунға жіберді. Бірінші және екінші раундта. Австралиялық әбден шаршап, финалдық жекпе-жектің соңына әрең шыдады. Жерлесіміздің осындай айқын жеңісіне ешкім күмән келтірмеп еді, алайда төрешілердің шешімі басқалай болып шықты, деп жазады sport.kz.
Жеңіс 3:2 есебімен австралиялық боксшыға берілді. Осылайша Асылхан Көшербай күміс медаль иеленді.
Жанкүйерлер де, сарапшылар қауымы да төрешілердің бұл шешіміне наразы болып, көрермендер у-шу болды. Әлеуметтік желіде Көшербайға қолдау білдіріп, төрешілердің әділдігіне күмән келтірді.
- "Еңбек сенікі, жеңіс оныкі" деп ашына жазды желідегілер мысқылдап.
- "Головкин ағамыз қайда қарап отыр" деп үдере түрегелгендер де болды;
- "Не мазақ мынау, осыны да жекпе-жек дейді ме";
- "World Boxing-тің арты ашылды, IBA-ны "анау-мынау" деуші еді, енді өздеріне қара".
Айта кетсек, Қазақстандық үш боксшы Черногорияның Будва қаласында өтіп жатқан жастар арасындағы бокстан Әлем чемпионатының алтын медалін иеленді.
