Қазақстандық хоккейшілер жастар арасындағы әлем чемпионатының алғашқы матчында жеңіліс тапты

Шайбалы хоккейден Қазақстан хоккей құрамасы Оттавада (Канада) өтіп жатқан жастар арасындағы әлем чемпионатында алғашқы матчын өткізді, деп хабарлайды Zakon.kz.

Біздің құрама турнирдің алғашқы матчында Швецияға есе жіберді.

Алғашқы кезең қазақстандық хоккейшілер үшін сәтсіз өтті – шведтер жауапсыз бес шайба салды. Екінші кезеңде айтарлықтай өзгеріс болмады, қарсылас тағы бір шайба салды. 

Алайда кезеңнің соңында Артур Гросс осы чемпионаттағы құраманың алғашқы голын соқты.

Үшінші кезеңде Швеция тағы екі шайба салып, матчты 8:1 есебімен өз пайдасына аяқтады.

Швеция – Қазақстан - 8:1 - (5:0, 1:1, 2:0)

• 1:0 – 05:53 – Эклунд (Виландер, Волберг)
• 2:0 – 09:20 – Эдстром (Густафссон, Холлквист)
• 3:0 – 11:58 – Эрикссон (Гранберг, Хедквист)
• 4:0 – 13:36 – Нильссон (Хуртиг, Волберг)
• 5:0 – 19:47 – Волберг (Форсфьял, Эклунд)
• 6:0 – 32:18 – Волберг (Линдстейн, Сетнберг) артық құрамдағы гол
• 6:1 – 37:28 – Гросс (Ситников, Оразов)
• 7:1 - 45:24 - Вуолетт (Форсфьял, Густафссон)
• 8:1 - 48:44 - Гранберг

Қақпашылар: Гидлоф - Никитин