Шаңғышы Олжас Климин ел қоржынына тоғызыншы медальді салды

Шаңғышы Олжас Климин Азия ойындарының 10 ақпанындағы жарыс күнінде Қазақстанның қоржынын тағы бір жүлдемен толықтырды, деп хабарлайды Zakon.kz.

Ұлттық Олимпиада комитетінің баспасөз қызметінің ақпаратынша, спортшы шаңғы жарысынан 10 шақырымдық еркін стильде өткен сайысында қола жүлдеге ие болды. Додада 46 спортшы бақ сынасты.

Алтынды жапондық Харуки Ямашита иеленсе, күмісті оның жерлесі Такацугу Уда жеңіп алды.

Бұған дейін еліміздің Харбиндегі фристайл-акробатикадан күміс жүлде жеңіп алғандығы хабарланған болатын.