Ресми түрде: Дастан Сәтпаев "Челсидегі" мансабын жалғастырады

10 ақпанда алматылық "Қайрат" футбол клубы мен лондондық "Челси" 16 жасар қазақстандық шабуылшы Дастан Сәтпаевтың трансфері туралы уағдаластыққа қол жеткізді, деп хабарлайды Zakon.kz.

"Қайрат" футбол клубының баспасөз қызметінің ақпаратынша, Сәтпаев 2026 жылғы жазда кәмелетке толған соң ағылшын клубына ресми түрде қосылады.

Ол уақытқа дейін ол "Қайрат" сапында өнер көрсетеді.

Посмотреть эту публикацию в Instagram

Публикация от Kairat Boranbayev (@kairat4)

Алматының тумасы сегіз жасында "Қайрат" Академиясына түсіп, дайындықтың барлық сатысынан өткен.

Оның жетістіктері:

• QJ League-те екі маусымда 28 матчта 26 гол, 10 нәтижелі пас
• QJ League 2024 жылғы маусымның ең құнды ойыншысы
• Бірінші лигада 5 матч ойнап, жеңіс голын соққан
• УЕФА Жасөспірімдер лигасында 4 матчта 1 гол, 1 нәтижелі пас

Посмотреть эту публикацию в Instagram

Публикация от "Қайрат" ФК | FC Kairat Almaty (@f.c.kairat)

Ол 2024 жылғы мамырда 15 жасында негізгі командада дебют жасап, "Қайрат" тарихындағы ең жас ойыншы атанды.

Бұған дейін шаңғышы Олжас Климиннің ел қоржынына тоғызыншы медальді салғандығы хабарланған болатын.