Қазақстанның үш гимнасты Бакуде өтіп жатқан Әлем кубогы кезеңінің финалына шықты

Бакуде (Әзірбайжан) спорттық гимнастикадан Әлем кубогының кезеңі басталды. Финалға Қазақстан құрамасынан үш спортшы шықты, деп хабарлайды Zakon.kz.

Қазіргі уақытқа дейін қоссырық пен еркін жаттығулар бойынша іріктеу кезеңі өтті.

Еркін жаттығуда сәтті өнер көрсеткен Милад Карими финалға бірінші  болып шықты. Ол 13.833 ұпай жинап, әзірге ең үздік көрсеткішке ие.

Қоссырықтағы медаль үшін Дмитрий Потанин мен Ілияс Әзізов сынға түседі. Әзізов іріктеуде үшінші орын (13.400 ұпай), ал Потанин бесінші орын (12.800 ұпай) алды.

Айта кетейік, финалдық кезең 8 наурызда басталады.

Бұған дейін "Жетісу" футбол клубының директоры жеті жылға бас бостандығынан айырылғанын жазғанбыз.