Байдарка мен каноеде есу: Қазақстан Минскідегі "Мықтылар кубогында" қола медаль еншіледі

Минск қаласында (Беларусь) байдарка мен каноеде есуден халықаралық "Мықтылар кубогы" турнирі аяқталды, деп хабарлайды Zakon.kz.

Аталған жарыста Қазақстан құрамасы қола медаль жеңіп алды.

500 метр қашықтықтағы екілік-байдарка сайысында Татьяна Токарницкая мен Ольга Шмелева үшінші орынға ие болып, жеңіс тұғырының үшінші сатысына көтерілді.

Жалпы жарысқа тоғыз елдің спортшылары қатысты.

Еске салайық, бұған дейін Қазақстанның бірінші ракеткасы Александр Бубликтің Ұлыбританияның Истборн қаласында өтетін ATP 250 турниріне қатыспайтыныны белгілі болды. Әлемнің 30-ракеткасы "Уимблдон" қарсаңында денсаулығына қауіп төндірмеуді жөн көрген.