2025 жылғы Уимблдон: Қазақстан атынан кімдер ойнайды

30 маусым күні Лондон корттарында маусымдағы ең ірі турнир – Ұлыбританияның ашық теннис чемпионаты басталады. Қазақстандықтар бұл жарыста жекелей сында ел намысын қорғайтын бес спортшыға жанкүйер болады, деп хабарлайды Zakon.kz.

Жарыстың алғашқы күнінде Қазақстан құрамасынан кортқа бірінші болып Юлия Путинцева шығады. Ол 13-нөмірлі америкалық теннисші Аманда Анисимовамен кездеседі. Олардың кездесуі 15-кортта соңғы матч болып жоспарланған, шамамен Астана уақытымен 20:30-да басталады.

Қазақстанның қалған теннисшілері Лондон корттарына шілде айының алғашқы күндерінде шығады. 2022 жылғы "Уимблдон" жеңімпазы Елена Рыбакина алғашқы айналымда армениялық Элина Аванесянмен кездеседі.

Ерлер арасындағы жарыста Александр Бублик бірінші айналымда испандық Хауме Муньярмен (ATP рейтингінде 54-орында) ойнайды. Александр Шевченконың қарсыласы – америкалық Рэйли Опелка (ATP №72). Турнирдің іріктеу кезеңінен өткен Бейбіт Жукаев бірінші айналымда әлемнің 24-ракеткасы – италиялық Флавио Каболлимен кездеседі.

"Уимблдон-2025" турнирінің негізгі кезеңі 13 шілдеге дейін жалғасады. Былтырғы жеңімпаздар – Карлос Алькарас (Испания) және Барбора Крейчикова (Чехия).