Вашингтон турнирі: Рыбакина Радуканумен бірге жартылай финалға шықты

Қазақстандық теннисші Елена Рыбакина жұптық сында ұлыбританиялық Эмма Радуканумен бірге Вашингтон (АҚШ) WTA 500 турнирінің жартылай финалына жолдама алды, деп хабарлайды Zakon.kz.

Қазақстандық-ұлыбританиялық жұп ширек финалда мексикалық Джулиана Олмос – индонезиялық Алдила Сутджиадимен кездесті.

Рыбакина – Радукану 7:6 (8:6), 6:4 есебімен басымдылық танытты. 

Елена Рыбакина – Эмма Радукану финалға шығу үшін қытайлық Чжан Шуай – америкалық Тэйлор Таунсендпен ойнайды.

Еске салайық, Қазақстанның бірінші, әлемнің 30-ракеткасы Александр Бублик Кицбюэль (Аустрия) ATP 250 турнирінің жартылай финалына жолдама алғанын хабарлаған едік.