Рыбакинаны жеңген Мбоко қазақстандық теннисшімен өткен матч туралы пікір білдірді

Әлемнің 13-ракеткасы, канадалық Виктория Мбоко Дохада (Катар) өтіп жатқан WTA-1000 турнирінің ширек финалында қазақстандық Елена Рыбакинаны жеңгеннен кейін өз әсерімен бөлісті, деп хабарлайды Zakon.kz.

Sportarena.kz жазуынша, Рыбакина Мбокодан 5:7, 6:4, 4:6 есебімен жеңілді.

"Бұл апта мен үшін нағыз ғажайыпқа толы болды. Мұндай нәтижеге жетемін деп тіпті армандаған да жоқпын – тек күн сайын, матч сайын алға жылжуды ойладым. Еленамен ойын керемет өтті. Ол қазір тамаша бабында, Australian Open-2026 турнирінің чемпионы. Осындай деңгейдегі теннисшімен бір кортта ойнап, тартысты кездесу өткізу – мен үшін үлкен мәртебе. Болашақта тағы да бірнеше рет жолығамыз деп үміттенемін", – деп жазды Мбоконың сөзін gotennis.ru басылымы.

Посмотреть эту публикацию в Instagram

Публикация от Victoria Mboko (@vickymboko)

Айта кетейік, турнирдің жартылай финалында Виктория Мбоко латвиялық Елена Остапенкомен кездеседі.

Бұған дейін қазақстандық конькимен жүгіруші 2026 жылғы Олимпиада ойындарында екінші мәрте үздік ондыққа енгенін жазғанбыз.