Қазақстандық құзға өрмелеушілер Қытайдағы Азия чемпионатында қалай өнер көрсетті

Қытайдың Мэйшань қаласында спорттық құзға өрмелеуден Азия чемпионаты өтті. Турнирде қазақстандық спортшылар жарыс бағдарламасының барлық түрлерінде өнер көрсетті, деп хабарлайды Zakon.kz.

"Қиындық" бағдарламасында Алексей Панфилов 39-орын, Глеб Семешкин 43-орын, Азат Майкотов 45-орын алды. Ал әйелдер арасында Полина Андреева 32-орын, Дарья Кузьменко 33-орын, Виктория Адаменко 34-орынға жайғасты.

"Жылдамдық" бағдарламасында Дамир Тоқтаров 10-орын, Әмір Маймұратов 13-орын, Ришат Хайбуллин 15-орын, Бекнұр Алтынбеков 17-орын, Жандос Қалыбай 38-орын алды. Әйелдер арасында Аделия Утешева 22-орын, Анна Баларшина 23-орын, Арина Новицкая 24-орын, Тамара Ұлжабаева 27-орынға тұрақтады.

"Боулдеринг" бағдарламасында Азат Майкотов 38-орын, Алексей Панфилов 45-орын, Вадим Ишмухаметов, Глеб Семешкин, Кымсан Цой 47-орында жарысты аяқтады. Әйелдер арасында Полина Андреева 33-орын, Дарья Кузьменко 36-орын, Айханым Айдарханқызы 37-орын, Виктория Адаменко 38-орын алды.

Бұған дейін еркін күрес шебері Азамат Дәулетбеков Азия чемпионатының қола жүлдегері атанғанын жазғанбыз.