Рыбакина Римдегі ширек финалда жарыс жолын аяқтады

Қазақстандық теннисші Елена Рыбакина Италияның Рим қаласында өтіп жатқан WTA-1000 санатындағы турнирдің ширек финалында жеңіліп, жарыс жолын аяқтады, деп хабарлайды Zakon.kz.

sportarena.kz мәліметінше, әлемнің екінші ракеткасы саналатын Рыбакина ширек финалда дүниежүзілік рейтингте 10-орында тұрған украиналық теннисші Элина Свитолинамен кездесті.

Посмотреть эту публикацию в Instagram

Публикация от Internazionali BNL d'Italia (@internazionalibnlditalia)

Үш сетке созылған тартысты матчта Свитолина 2:6, 6:4, 6:4 есебімен жеңіске жетті. Кездесу 2 сағат 25 минутқа созылды.

Ойын барысында Рыбакина 20 брейк-пойнт мүмкіндігінің төртеуін ғана тиімді пайдаланды. Сондай-ақ жеті эйс жасап, бес рет қос қателікке жол берді.

Ал Свитолина бес қос қателік жіберіп, бір эйс орындады және 13 брейк-пойнттың төртеуін сәтті жүзеге асырды. Осы матчтан кейін екі теннисшінің өзара кездесулеріндегі есеп теңесті — 4:4.

Енді Элина Свитолина турнирдің жартылай финалында әлемнің үшінші ракеткасы, польшалық Ига Швёнтекпен кездеседі.