Кори Гауфф Цинциннатидегі WTA 1000 турнирін екінші рет жеңіп алды

Америкалық теннисші Кори Гауфф АҚШ-тың Цинциннати қаласында өткен WTA 1000 санатындағы турнирдің жеңімпазы атанды, деп хабарлайды Zakon.kz.

Sportarena.kz мәліметінше, жекелей сындағы финалдық кездесуде әлемнің төртінші ракеткасы отандасы, әлемдік рейтингте үшінші орында тұрған Джессика Пегуланы 6:2, 6:4 есебімен жеңді.

Кездесу 1 сағат 15 минутқа созылды. Осы уақыт ішінде 22 жастағы Гауфф екі эйс жасап, екі рет қосарланған қателік жіберді және алты брейк-пойнттың бесеуін сәтті пайдаланды. Ал оның 32 жастағы қарсыласы эйс жасай алмады, бір рет қосарланған қателік жіберіп, өзіне берілген екі брейк-пойнттың екеуін де пайдаланды.

Цинциннатидегі әйелдер арасындағы турнир 13-23 тамыз аралығында өтті. Жекелей сындағы жалпы жүлде қоры 7,4 млн долларды (шамамен 3,3 млрд теңге) құрады.

Бұған дейін Кори Гауфф бұл "мыңдық" турнирді 2023 жылы жеңіп алған болатын.