US Open-2026: Рыбакина алғашқы айналымда 17 жасар америкалықпен өзара күш сынасады

Біршама уақыт бұрын Нью-Йоркте теннистен АҚШ ашық чемпионатының (US Open) ерлер мен әйелдер арасындағы жекелей сыны бойынша жеребе тарту рәсімі аяқталды. Осылайша төрт қазақстандық теннисшінің турнирдің бірінші айналымындағы қарсыластары анықталды, деп хабарлайды Zakon.kz.

Әйелдер арасындағы әлемнің екінші ракеткасы Елена Рыбакина америка біріншілігінің екінші айналымына өту үшін WTA рейтингінде 580-орында тұрған АҚШ өкілі Теа Фродинмен өзара күш сынасады.

Ал тағы бір отандасымыз Юлия Путинцева Швейцария өкілі, олимпиада чемпионы Белинда Бенчичпен кездеседі.

Ерлер арасындағы бәсекеде Александр Бублик жарыс қожайыны Джей Джей Вольфпен (ATP №248) кортқа шығады. Қазақстан құрамасының екінші ракеткасы Александр Шевченко хорватиялық Дино Прижмичке (ATP №101) қарсы өнер көрсетеді.

Отандастарымыз қатысатын ойындардың толық кестесі жақын арада жарияланатын болады.

US Open-2026 турнирі 30 тамыз бен 12 қыркүйек аралығында өтеді. Жарыстың қазіргі чемпионы – беларусь теннисшісі Арина Соболенко, ал ерлер арасында бұл титулды испаниялық Карлос Алькарас қорғайды.

Бұған дейін Жәния Бекмұхамбетова үстел теннисінен Хорватияда өткен халықаралық турнирде күміс медаль иеленгенін жазғанбыз.