Қазақстан Түркияға 55 тонна гуманитарлық көмек жібереді

ҚР үкіметі, ҚР Президенті, Түркия, жер сілкінісі, гуманитарлық көмек

Сурет: primeminister.kz

Гуманитарлық көмекте жалпы салмағы шамамен 55 тонна болатын киім-кешек (жылы күртешелер мен шалбарлар), қысқы шатырлар, металл кереуеттер, төсек-орын жабдықтары және басқа да күнделікті қолданысқа қажетті заттар бар, деп хабарлайды Zakon.kz.

ҚР Үкіметінің ресми Telegram арнасының жазуынша, Қазақстан Республикасы Түркия Республикасына қосымша гуманитарлық көмек көрсетеді. Бұл мәселе ҚР премьер-министрінің бірінші орынбасары Роман Склярдің төрағалығымен өткен үкіметтік комиссияның отырысында талқыланды. Бұл шешім мемлекет басшысы Қасым-Жомарт Тоқаевтың тапсырмасына сәйкес қабылданып отыр.

Жүктер әуе көлігімен Түркияның Газиантеп қаласына жөнелтіледі.

15 ақпан күні Түркия президенті Режеп Тайып Ердоған елдің оңтүстік-шығысындағы жер сілкінісінен қаза тапқандар саны 35 мыңнан асқанын мәлімдеді.