Трамп АҚШ президенті қызметіндегі өз мұрагерін атады

АҚШ президенті Дональд Трамп вице-президент Джей Ди Вэнсті алдағы сайлауда республикалық партия атынан ең ықтимал кандидат деп атады, деп хабарлайды Zakon.kz.

CNN дерегінше, бұл туралы АҚШ басшысы Ақ үйде журналистерге мәлімдеген. Ол бұл жайында айтуға әлі ерте екенін де атап өтті.

"Ең ықтимал үміткер – ол вице-президент. Бұл туралы айтуға әлі ерте, бірақ ол керемет жұмыс атқарып жатыр. Қазіргі таңда ол – фаворит", – деді ол Вэнсті мұрагері ретінде атап.

Трамптың айтуынша, басқа да үміткерлер бар, мысалы, АҚШ мемлекеттік хатшысы Марко Рубио.

Бұған дейін Зеленский мен Трамп телефон арқылы сөйлескен еді.