Ұлыбританияда жолаушылар пойызы апатқа ұшырады: зардап шеккендер бар

Ұлыбританияның Льюис станциясы маңында Лондоннан Истборнға бағыт алған Southern пойызы рельстен шығып кетті. Апат 13 тамыз күні түстен кейін болған. Осыдан кейін билік ірі төтенше жағдай режимін жариялады, деп хабарлайды Zakon.kz.

Елдің көлік полициясының баспасөз қызметінің мәліметінше, пойыздың үш вагоны бүйірімен аударылып қалған. Бірнеше жолаушы вагондардың ішінде қамалып қалған. Кейін олардың барлығы қауіпсіз жерге эвакуацияланды.

Алдын ала мәлімет бойынша, екі адам ауыр жарақат алған, тағы тоғыз жолаушы жеңілдеу жарақат алған. Зардап шеккендерге оқиға орнында медициналық көмек көрсетіліп, кейбірі ауруханаға жеткізілді.

Оқиға орнында полиция, өрт сөндірушілер мен медицина қызметкерлері жұмыс істеді. Апаттың себептері анықталуда.

BREAKING: Two people have been seriously injured after a train derailed in East Sussex.

The South East Coast Ambulance Service said a further nine people sustained less serious injuries.

Sky's @PhoebeS1992 reports.

🔗 https://t.co/8UA3UG3pFl pic.twitter.com/c22iHMqDEF

— Sky News (@SkyNews) August 13, 2026

Бұған дейін Рим маңындағы оқ-дәрі шығаратын зауытта жарылыс болып, алапат өрт тұтанғанын жазғанбыз.