Владимир Зеленский "Вагнердің" негізін қалаушы Евгений Пригожин мінген ұшаққа қатысты оқиғаға Украинаның қатысы жоқ екенін мәлімдеді, деп хабарлайды РИА Новости.
"Біздің бұған түк қатысымыз жоқ. Оған кімнің қатысы бар екенін барлығы түсініп отыр", – деді Зеленский брифинг барысында Пригожин мінген ұшақ апатына қатысты берген түсініктемесінде.
23 тамызда Ресейде жекеменшік ұшақ апатқа ұшырады. БАҚ хабарлағандай, Тверь облысында ұшақ апаты болған. Бизнес әуе кемесі "Вагнер" әскери жалдамалы жасағаның негізін қалаушы Евгений Пригожинге тиесілі екендігі, оның жолаушылар арасында болғаны туралы ақпарат лезде пайда болды. Түнге қарай оның опат болғаны расталды.