Алдымен ойынды АҚШ президенті бастады. 3 мамыр күні ол өзінің Truth Social платформасындағы парақшасында UNO карталары бейнеленген сурет жариялап, өзінің жиі айтатын "барлық карта менің қолымда" деген сөзін еске салды.
Сурет: truthsocial
Иран тарапы да жауапты ұзақ күттірмеді. Мәселен, Иранның Хайдарабадтағы бас консулдығының ресми аккаунты жауап ретінде жазба жариялады.
"Иә, бізде карта аз", – деп жазылған суретте ирандық әскери күлімсіреп, осы ойынның карталарын ұстап тұрғаны көрсетілген.
Айта кетейік, UNO ойынында жеңіске бірінші болып қолындағы барлық карталардан құтылған ойыншы жетеді.
Бұған дейін Трамптың Иранмен жаңа келісімді қарастыруы мүмкін екенін мәлімдегенін жазғанбыз.