Анкарадағы президенттік кешенде өткен бұл шара бұқаралық ақпарат құралдарының қатысуынсыз, жабық форматта өтті.
Сурет: Instagram/stargazete
Кешкі ас туралы пікірін Түркияның бірінші ханымы Эмине Ердоған әлеуметтік желідегі парақшасында жариялады.
"Әлемдік қауымдастық алдында тұрған ортақ сын-қатерлерге шешім іздеу күшейіп жатқан кезеңде бұл маңызды саммит диалог пен өзара келісім мәдениетін одан әрі нығайтуға ықпал етеді деп сенемін", – деп жазды ол саммитке қатысушылардың ортақ суретін жариялап.
Сурет: Instagram/stargazete
7 шілде күні Түркияға НАТО-ға мүше 32 мемлекеттің президенттері мен үкімет басшылары келді. Сонымен қатар саммитке Украина, Жапония, Оңтүстік Корея, Австралия және Жаңа Зеландияның басшылары, сондай-ақ Еуропалық одақтың өкілдері де қатысуда.
Сурет: Instagram/stargazete
Саммиттің негізгі жұмыс отырыстары 8 шілде, сәрсенбі күні өтеді.
Сурет: Instagram/stargazete
Анкарадағы кездесулердің басты тақырыптары – Украинаға Ресейдің әскери іс-қимылдарына қарсы қорғануға көрсетілетін қолдау және Еуропаның қорғаныс қабілетін күшейту. Сондай-ақ болашақта альянс аясындағы қорғанысқа қатысты жауапкершіліктің негізгі бөлігін Еуропадағы НАТО-ға мүше мемлекеттер өз мойнына алуы мәселесі талқыланады.