Twitter 150 миллион доллар айыппұл төлеуге келісті, – деп хабарлады АҚШ Әділет министрлігі мен Федералдық сауда комиссиясы.
АҚШ билігінің талап-арызына сәйкес, Twitter әкімшілігі пайдаланушыларды жеке деректерді пайдалану туралы жаңылыстырған.
Осылайша әлеуметтік желі қолданушылардың телефон нөмірлері мен электрон пошта мекенжайларын пайдаланды. Олар деректерді таргетинг, жарнама үшін бөліскен. Әңгіме 140 миллионнан астам Twitter пайдаланушысы туралы болып отыр.
Әлеуметтік желінің әкімшілігі айыппұл төлеп қана қоймай, пайдаланушы деректерін қорғау шараларын қолдануға міндетті болады.
