7 жасар қыз 20:50-де үйден белгісіз бағытта шығып кетіп, қайтып оралмаған. Анасының айтуынша, бұл бірінші рет емес.
Хабарламаны алған жеке құрам дереу іздеуге кірісті. Жағдайлық штаб ұйымдастырылып, онда барлық күштер мен құралдар қаланың барлық аумағына таратылып, тұрғылықты жеріне жақын орналасқан барлық көшелер нақты сызылған. Жедел іздестіру шаралары барысында екі сағаттың ішінде бала табылып, отбасына тапсырылды. Қостанай облысының полиция департаментінің бастығы міндетін атқарушы Мұхтар Жармұхамедов
Бойжеткен үйден 900 метр жердегі бұталардың арасынан Аладдин атты іздеуші иттің көмегімен табылды. Белгілі болғандай, ол адасып қалған. Табылған қыздың анасы полицейлерге баласын сау және ешбір зақымсыз тапқаны үшін алғысын білдірді.
