Видео Instagram-дағы yknews.kz желісінде жарияланды. Кадрдан өрт сөндірушілердің әр жерге жантая кеткенін көруге болады. Сипаттамаға қарағанда, видео Абай облысының Бородулиха ауданында түсірілген. Қазіргі уақытта ол жақта алапат орман өрті сөндіріліп жатыр. Шаршаған өрт сөндірушілер жерге домалай кетіпті.
Басын қатерге тігіп, борышын өтеп жатқан өрт сөндірушілерге халық тәнті болды.
9 маусым күні ҚР ТЖМ "Семей орманы" резерватындағы өртті сөндіруге жұмылдырылған адам саны 300-ден асқанын мәлімдеді.