Іс 23 маусымда ашылып, Пригожинге қатысты қылмыстық қудалаудың тоқтатылатыны Беларусь президенті Александр Лукашенкомен келіссөздерден кейін белгілі болды, деп жазады "Коммерсант".
Келіссөздер нәтижесінде ПМК әскерлері Мәскеуге жорықты тоқтатып, басып алынған Ростов-на-Донуды азат етіп, далалық лагерьлеріне оралды.
25 маусымда Ресей Федерациясының Бас прокуратурасы Пригожинге қатысты тергеуді тоқтатқаны хабарланған болатын. Алайда "Коммерсант" газетінің қадағалау органындағы дереккөзі қылмыстық іс қозғау туралы шешім әлі жойылмағанын, бүлікке қатысты тергеу жалғасып жатқанын айтты.
Дереккөздің айтуынша, басқа шешім қабылдауға тым аз уақыт өтті.