Бұл туралы бүгін, 13 ақпанда "ҚазАвтоЖол" Telegram-арнасынан белгілі болды.
"2024 жылдың 10 ақпанында сағат 14:00 шамасында Самара-Шымкент тас жолының 1285-ші шақырымында жантүршігерлік оқиға орын алды. Оқиға салдарынан (тұрған көлікпен соқтығыс) Қызылорда ҚБ бас маманы "ҚазАвтоЖол" ҰК" АҚ облыстық филиалы Сыдықов Сақтапберген Бақытжанұлы өзінің тікелей міндетін атқару кезінде қайтыс болды.". "ҚазАвтоЖол" ҰК" АҚ баспасөз қызметі
Самара-Шымкент тас жолының Арал ауданы Сазды ауылы учаскесінде қозғалыс қайта жанданғаннан кейін Toyota Alphard көлігі компания қызметкері тұрған жерде тоқтап тұрған көлікпен соқтығысқан қайғылы оқиға орын алды.
"Соқтығыс салдарынан ол оқиға орнында көз жұмды.Марқұм Қызылорда облыстық филиалының бас маманы болып, компанияда алты жылдан астам жұмыс істеп, өзін адал, кәсіби қызметкер ретінде көрсетті. Сақтапберген Сыдықовтың артында төрт баласы мен жұбайы қалды". "ҚазАвтоЖол" ҰК" АҚ баспасөз қызметі
Ұлттық компания марқұмның отбасына қаржылай көмек көрсетіледі деп сендірді.
"ҚазАвтоЖол" ҰК" АҚ марқұмның туған-туыстары мен жақындарына көңіл айтады және барлық қажетті материалдық қолдау көрсетеді", - деп түйіндеді "ҚазАвтоЖол" ҰК" АҚ баспасөз қызметі.
2024 жылдың 12 ақпанында Президент Қасым-Жомарт Тоқаев маңызды үндеу жасады. Ол қолайсыз ауа-райында адамдарды құтқарған қазақстандықтарға алғысын білдірді.