Бұл туралы бүгін, 2024 жылдың 29 ақпанында елорда әкімдігінің Telegram-каналынан белгілі болды.
"Василий Алексеевич Левит қалалық дене шынықтыру және спорт бөлімінің басшысы болып тағайындалды", - делінген хабарламада.
Василий Левит 1988 жылы Қостанай облысында дүниеге келген.
Қазақстан Республикасының еңбек сіңірген спорт шебері, екі Олимпиада ойындарының қатысушысы, 2016 жылғы Олимпиада ойындарының күміс жүлдегері, Әлем чемпионатының екі дүркін қола жүлдегері, Қазақстан тарихындағы тұңғыш үш дүркін Азия чемпионы, екі дүркін Азия чемпионатының жеңімпазы, бокстан халықаралық және республикалық жарыстардың бірнеше дүркін жеңімпазы.
2022 жылдан бастап Қазақстан Республикасы Сыбайлас жемқорлыққа қарсы іс-қимыл агенттігінде Кадрлардың дене шынықтыру департаментінің басшысы болып жұмыс істеді.