Елорда әкімдігінің хабарлауынша, 12 наурызда қаладан 28 мың текше метр қар шығарылды, бұл екі мың ауыр жүк көлемінен асып түсті.
"Түнгі ауысымда қар тазалау жұмысына 600-ден астам арнайы техника мен 200-ге жуық жол жұмысшы жұмылдырылады. Қыс мезгілінің басынан бастап қар полигондарына 458 мыңға жуық рейс арқылы 6,2 млн текше метр қар шығарды", делінген хабарламада.
Айта кету керек, соңғы күндері елордада жауын-шашын мол жауды. Қалада қар тазалау тәулік бойы ауысымдық режимде жүргізіледі. Бірінші кезекте орталық көшелер, жолаушылар көлігі маршруттары, аялдамалар мен тротуарлар тазаланады.