Бұл туралы Мәжілістің жалпы отырысында депутат Ажар Сағандықова айтты. Мәжілісмен Ресей мұнайын Қытайға тасымалдау туралы келісім тағы 10 жылға – 2033 жылға дейін ұзартылғанын еске салды. Осыған байланысты ол екінші реттік санкциялар Қазақстанға әсер ете ме, жоқ па, соны түсіндірді.
ҚР Сыртқы істер министрінің орынбасары Ермұхамбет Қоныспаев бұл мәселе хаттама жобасын қарау сатысында зерделенгенін айтты.
"Санкциялар ресейлік мұнайды ЕО елдеріне жеткізуді шектеуге бағытталған, сондықтан біз бұл құжаттың жобасын қарау сатысында тұрмыз және қазір санкциялық тәуекелдерді көріп тұрған жоқпыз", - деді Ермұхамбет Қоныспаев.
Сауда және интеграция вице-министрі Қайрат Төребаев Қытайдың санкцияға ұшыраған елдер тізімінде жоқ екенін айтты.
"Сондықтан санкциялық тәуекелдер жоқ және болжанбайды", - деді Қайрат Төребаев.
Бұған дейін Мәжіліс депутаттары жалпы отырыста Қазақстан мен Ресей арасындағы ресейлік мұнайды республика аумағы арқылы Қытайға тасымалдау туралы келісімнің мерзімін ұзартуды ратификациялаған болатын.
