Елді мекендегі эвакопунктіде 26 адам тіркелген, оның ішінде 13 бала бар. Сондай-ақ 8 адам Атырауға көшірілді.
Тағы 18 адам туыстарына өз бетінше кетті.
"Талдыкөл ауылының тұрғындары мен инфрақұрылымына қауіп жоқ. Құтқарушылар тобы ауыл тұрғындарын қайықпен тасымалдауды жалғастырып жатыр. Жағдай бақылауда", - деп хабарлады Төтенше жағдайлар министрлігінің баспасөз қызметі.
Еске салайық, бұған дейін Атырау облысы Махамбет ауданының эвакуациялық комиссиясының шешімімен Талдыкөл ауылының тұрғындарын мәжбүрлі түрде эвакуациялау басталғанын хабарлаған едік.
Атырау облысының төтенше жағдайлар жөніндегі жедел штабының мәліметінше, су басу қаупінің күшеюіне байланысты толық эвакуациялау тұрғындардың қауіпсіздігі үшін жасалып отыр.