Тауарлық газды бөлшек саудада өткізудің үлгілік шарты Қазақстан Республикасы Энергетика министрінің 12.11.2014ж. №117 бұйрығымен бекітілген (бұдан әрі – Үлгілік шарт).
Үлгілік шартқа сәйкес өз міндеттемелерін орындамаған тұтынушы тұрақсыздық айыбын төлейді, бірақ тұрақсыздық айыбының сомасы берешек сомасының он пайызынан артық болмауға тиіс.
Дегенмен "Қызылорда газ тарату жүйесі" коммуналдық мекемесі мен тұтынушылар арасында жасалған шарттарда тұрақсыздық айыбының шекті сомасы көзделмеген.
Бұның салдары тұтынушыларға қосымша шығындар келтірген.
Прокурорлық қадағалау актісінің негізінде шарттар заңнама талаптарына сәйкестендірілді және 9321 тұтынушының, оның ішінде 399 кәсіпкердің құқықтары қалпына келтірілді.