"Жергілікті уақыт бойынша сағат 16:00-де Boeing 777-300ER (борт нөмірі HBJNI) ұшағымен Токиодан Цюрихке ұшқан Swissair SWR161 рейсі Астана әуежайына шұғыл қонды. Экипаж 50 жастағы жолаушының инсульт алды деген күдікке байланысты қонуға шешім қабылдады", - деп хабарлады Астана әуежайы.
Сағат 16:00-де ұшақ жолаққа сәтті қонғаннан кейін, ұшу-қону жолындағы бұрылыс кезінде экипаж қателігінен ұшақ жолақтан сырғып кеткен.
Әуежайдың баспасөз қызметінің хабарлауынша, Осыған байланысты сағат 16:03-те апаттық-құтқару жұмыстарын жүргізу үшін дабылды ескерту жарияланды.
Сурет: Астана халықаралық әуежайы
Астана әуежайы барлық рейс үшін екі сағатқа жабылды. Осының салдарынан тұрақты рейстер де кешігеді.
Сурет: Астана халықаралық әуежайы
"Біз жолаушыларымыздан келеңсіз жағдай үшін кешірім сұраймыз және кідірістерді азайту үшін қолдан келгеннің бәрін жасаймыз. Жағдай біздің бақылауда. Жаңа ақпарат пайда болысымен бөлісеміз. Түсіністік танытқандарыңыз үшін алғыс білдіреміз!" Астана халықаралық әуежайы