Жұмыс кезінде ол жатын бөлмедегі сөреден 12 сақина, бір қол сағат, екі жұп сырға және алтын алқа салынған сөмкені тауып алған.
Көмекші сөмкені басқа жерге ауыстырып қойған және ешкім сөмкенің ішіндегіні іздемейтінін түсініп, ұрлыққа бел буған.
Осыдан кейін әйел күдік туғызбай үйде әрі қарай жұмыс істей берген. Бірақ үй иелері зергерлік бұйымдардың жоғалып кеткенін байқаған кезде бірден полицияға жүгінген.
Жедел-іздестіру іс-шараларын өткізу барысында Есіл ауданының криминалдық полиция қызметкерлері 47 жастағы әйелді анықтады. Ол барлық әшекейді бір уақытта ұрлап, оларды ломбардқа өткізгенін мойындады.
Шығын көлемі – 1,5 млн теңге. Аталған факті бойынша қылмыстық іс қозғалды. Барлық зергерлік бұйым тәркіленіп, иесіне қайтарылды. Астана қаласының полиция департаменті азаматтарды кез келген жағдайда қырағы болуға шақырады.