"Елдің транзиттік әлеуетін дамыту үшін ҚТЖ терминалдық желіні жедел дамытып жатыр. Бұл жүктердің көлемін ұлғайтуға және тасымалдау бағасының тұрақтылығына кепілдік береді. Қазір компания контейнерлік пойыздар жалпы көлемінің 40% жүгі қалыптасатын Қытайдың Сиань қаласындағы ең ірі құрғақ портын қосқанда 5 терминалды пайдаланады", - деп хабарлады компанияның баспасөз қызметі.
2025 жылы тағы 5 терминалдың құрылысы аяқталады, ал 2026 жылы 4 терминал салынады.
"Транзиттік инфрақұрылымды алдын ала дамыту бойынша қабылданған шешімдер арқасында жүк ағыны жыл сайын артып келеді. Контейнерлік транзиттік тасымалдар 3 жыл ішінде 30% өсті – 2021 жылғы 1 млн - нан 2024 жылғы бағалау бойынша 1,3 млн. ЖФЭ-ге дейін. Орта дәліз (ТМТМ) бойынша тасымалдау 25 есе өсті"."Қазақстан теміржолы" ҰК" АҚ баспасөз қызметі