ҚР ӘМ заңнама және құқықтық ақпарат институтының директоры Индира Әубәкірова интернет-кеңістік жедел ден қоюды талап ететінін атап өтті.
"Менде мұндай ұсыныс бар – қаржы пирамидаларына, дербес деректерді сақтауға және киберкеңістіктегі қылмыстардың өзге де түрлеріне маманданатын жекелеген құрылымдық бөлімшелермен кибер алаяқтыққа қарсы іс – қимыл функциясы бар жеке, дербес мемлекеттік орган құру мүмкіндігін қарастыру керек", — деді ол.
Сурет: Zakon.kz
Парламентаризм Институтының атқарушы директоры Алмас Қанатов Қазақстанға киберқылмыспен айналысатын жеке орган қажет екендігімен келіспеді. Спикердің пікірінше, оңайлатылған жолмен жүру дұрысырақ, атап айтқанда оған 50-ге жуық адам керек, әр ведомстводан үш-бес маман жинау керек.
Сурет: Zakon.kz
АФМ превенция және аналитикалық әзірлемелер департаментінің Превенция басқармасының басшысы Андрей Давыдов бұл бастаманы Fusion Centre құру мүмкіндігімен қолдады. Мұндай тәжірибе қазірдің өзінде қолданылып жатқанын және Ұлттық Банктің базасында құрылатын Антифрод-орталық мүдделі мемлекеттік және құқық қорғау органдарының барлық күш-жігерін біріктіретін шешім болатынын атап өтті.
Сурет: Zakon.kz
"Бұл сын-қатерлер мен қауіптерге жедел ден қоюға мүмкіндік береді. Күдікті транзакцияларды бұғаттау бойынша дер кезінде шаралар қабылдау қажет. Болашақта азаматтар Антифрод-Орталыққа жүгіне алады деп жоспарлануда және ақпарат бірден, бейнелі түрде, осы орталықтың барлық қызметкерлерінің "мониторларына" келіп түседі. Әркім өз функциясын орындауы керек: банктер – транзакцияларды бұғаттау, құқық қорғау органдары – өз іс-шараларын өткізу. Бұл тиімді болады", — деп түйіндеді ол.
Бұған дейін интернет-алаяқтықпен күресуде қандай шаралар іске асырылып жатқандығы хабарланған болатын.