2025 жылдың 25 ақпанында Орталық коммуникациялар қызметінде өткен баспасөз мәслихатында ҚР Қорғаныс министрлігі Тәрбие және идеологиялық жұмыс департаментінің бастығы Тілеухан Басқожаев мәлім еткендей, Armia.kz қосымшасы барлық телефондарға жүктеліп, ата-аналар мен әскери бөлімдер арасында байланыс орнатылады.
"Нақты уақыт режимінде аналар мен туыстары командир, тәрбиеші және әскери қызметші жауынгерлік дайындықтан бос уақытында кез келген уақытта сөйлесе алады. Яғни, бұл "қалтаңдағы әскер" – әрқашан нақты уақыт режимінде байланыста", – деді Тілеухан Басқожаев.
Туыстары сарбаздардың қызмет ету жағдайымен, медициналық тексеруден өтуімен, тамақтануымен таныса алатынын атап өтті. Тегін қосымшаны әскерге шақырылғандар әзірлеген.
Бұған дейін 2025 жылы 42 мыңнан астам қазақстандық мерзімді әскери қызметке шақырылатыны хабарланған болатын.