Мәселен, 2025 жылдың 10 наурызында таңертең елордадағы қарды тазалауға 2600-ге жуық жол жұмысшы мен 1645 арнайы техника шықты.
"Наурыздың 9-нан 10-на қараған түні коммуналдық қызметтер 2726 ауыр жүк көлігімен қаладан 38 524 текше метр қар шығарды", – деп нақтылады Астана әкімдігінің баспасөз қызметі.
Ең алдымен, ережеге сәйкес, жолдарда кептеліс болмас үшін қозғалысы өте қарқынды орындар тазартылады. Сондай-ақ, қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады.
Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.
Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.
"Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз. Төтенше жағдай туындаған кезде "112" нөміріне хабарласыңыз." Астана әкімдігінің баспасөз қызметі
"Қазгидромет" РМК мәліметі бойынша:
- 10 наурызда: құбылмалы бұлтты, өткінші қар, бұрқасын. Оңтүстік-батыстан соғатын жел 9-14, екпіні 15-20 м/с. Ауа температурасы түнде -13-15, күндіз -5-7 аяз.
- 11 наурызда: құбылмалы бұлтты, өткінші қар жауады, боран соғады, күндіз көктайғақ болады. Оңтүстік-батыстан соғатын жел солтүстікке 9-14 м/с, түнде және таңертең екпіні 15-20 м/с. Ауа температурасы түнде -5-7, күндіз -1-3 градус аяз.
Алайда, Алматыда ауа температурасы оң болғанымен, үшінші күн қатарынан қар жауады деп болжануда. Мәселен, 9 наурызда қалың қардың кесірінен әуежайда рейс кешігуі орын алды.