Білім министрлігі баспасөз қызметінің хабарлауынша, көктемгі демалыста оқушылар жалпы саны 11 күн демалады.
Төртінші тоқсан 1 сәуірде басталып, 8 оқу аптасына созылып, 2025 жылдың 25 мамырында аяқталады.
Бұған дейін Ғылым және жоғары білім министрлігі наурыздағы Ұлттық бірыңғай тестілеуді (ҰБТ) 21 мыңға жуық талапкер тапсырғанын хабарлаған болатын. Тестілеудің бірінші аптасында ең жоғары нәтижеге 135 балл жинаған Абай ауданының оқушысы қол жеткізді.
Наурыздағы ҰБТ 1 наурыз бен 6 сәуір аралығында өтеді. Тестілеуге барлығы 163 мыңға жуық талапкер қатысады.