"Astana TV" ақпаратынша, тұрғын алап Ақтөбеден 16 км қашықтықта орналасқан және бұл жерде құрылыс жұмыстары 10 жыл бұрын басталған. Қазір мұнда 700-ден астам отбасы тұрады. Олардың көпшілігі көпбалалы. Ата-аналар жақын маңда балабақша болмағандықтан, балаларын қалаға тасымалдауға мәжбүр болып отырғандарын айтты.
Тұрғындардың айтуынша, қала билігі балабақша салу үшін жер бөліп берген, алайда бүгінде ол жаққа ТЖО салынып жатыр.
Жағдайға қатысты жергілікті билік түсінік бере алмай отыр. Белгілі болғандай, кәсіпкер бұл жерді үш жыл бұрын сатып алған. Жоба бойынша коммерциялық нысан салынбақ.
Қазіргі таңда әкімдік құжаттардағы қателіктерді анықтауға тырысып жатыр.
Бұған дейін Ақтөбе облысындағы әкімдердің бірінің жанжалдың дәп ортасына іліккендігі жайлы жазған болатынбыз.