Министрдің айтуынша, бұл жылы мейрам 30 жылдан астам уақыт бойы ең басты құндылық – отбасын еске түсіріп келеді. Бүгінде Қазақстанда 6,2 миллион отбасы тұрады. Мемлекет үшін отбасын қолдау тек басымдық емес, тұрақты дамудың негізі болып табылады.
Біздің елде:
- ана мен баланы қорғау;
- лайықты өмір сүру, қауіпсіздік пен тұрақтылық үшін жағдайлар жасалған;
- жаңадан шаңырақ көтеріп жатқан жас жұбайларға ерекше көңіл бөлінеді;
- әйелдер мен балаларды қорғауға бағытталған заңнама жетілдірілуде;
- әлеуметтік төлемдер мен бала күтімі бойынша төлемдер жүргізіледі;
- Отбасын қолдау орталықтарының желісі бар.
"Балаларын сүйіспеншілікпен тәрбиелеп отырған, отбасылық дәстүрді ұқыппен сақтап, ұрпақтан-ұрпаққа жеткізіп келе жатқан әрбір жанға шынайы алғысымды білдіремін. Сіздер — еліміздің тірегі, жарқын болашақтың негізісіздер. Барша отбасыға шуақты өмір, мықты денсаулық, жылылық пен бақ-береке тілеймін. Әр шаңырақта қуныш пен шаттық мол болсын!" Аида Балаева
Сонымен қатар, министр дәл осы күні "Мерейлі отбасы" ұлттық байқауына өтінім қабылдау басталғанын айтты.
"Қазақстанның әр өңірінде өзгелерге үлгі болатын, тағылымды тарихы бар отбасылар бар екеніне сенімдімін. Баршаңызды осы маңызды әрі ізгі байқауға қатысуға шақырамын. Сіздердің өмірлік тәжірибелеріңіз көпшілікке шабыт сыйлайтыны сөзсіз. Сонымен қатар, сіздерді Отбасы күніне арналған онлайн-челленджге қатысуға шақырамын!" Аида Балаева
#отбасыкүні2025 және #деньсемьи2025 хештегтерімен жүрекке жылы фотоларыңызды, отбасылық тарих пен дәстүрлеріңізді бөлісіңіздер. Өнегелі өмірлер, берекелі отбасылар баршамызға үлгі, – деп Балаева Facebook парақшасында қазақстандықтарға үндеу жолдады.
11 мамырда қазақстандықтар аналар күнін атап өтті.