Осыған орай, 22 шілде күні сағат 08:00-ден бастап 23 шілде күні сағат 22:00-ге дейін Тимирязев көшесінің Байтурсынов көшесінен бастап, әрі қарай Желтоқсан көшесі арқылы Сәтбаев көшесіне дейінгі бөлігі уақытша жабылады.
Ал 23 шілде күні сағат 08:00-ден 24 шілде күні сағат 22:00-ге дейін Желтоқсан көшесінің Сәтбаев көшесінен Абай даңғылына дейінгі аралығы жабық болады.
Жөндеу жүргізіліп жатқан аумақта ескерту белгілері мен мердігер ұйым жетекшісінің байланыс мәліметтері көрсетілген тақталар орнатылады. Маршрутыңызды алдын ала жоспарлауыңызды сұраймыз.
Естеріңізге сала кетейік, жол қозғалысына қатысты шектеу жайлы мәліметтер @AlmatyJoly Telegram арнасында, қала әкімдігінің әлеуметтік желілерінде, сондай-ақ 2GIS пен "Яндекс карталар" сервистерінде жарияланады.