Алматы қаласының Қала құрылысын бақылау басқармасының мәліметінше, жеке меншік иесі (жеке тұлға) рұқсатсыз тау бөктерінде үй салған. Сонымен қатар, құрылыс жұмыстары кезінде аталған аумақтарға жол салу үшін тау бөктерінің етегі кесіліп, экожүйеге залал келтірілген.
"Басқарма жер учаскелерін бастапқы қалпына келтіру туралы нұсқама беріп, меншік иесіне қатысты әкімшілік шаралар қабылдады.Алайда нұсқамада көрсетілген талаптар орындалмағандықтан, басқарма сотқа мәжбүрлеп бұзу туралы талап-арыз берген.2024 жылы 17 қазанда Медеу аудандық соты талап-арызды қанағаттандырып, сот қаулысы Алматы қаласының әділет департаментіне орындауға жіберілген", делінген хабарламада.
Сот шешімін орындау мақсатында жуырда меншік иесі заңсыз нысандарды өзі бұзып тастады.
Бұған дейін Алматының тау бөктерінде салынған таунхаус сүріліп жатқаны хабарланған.