Кейінірек Сәмбетов марапатты мемлекет басшысының қолынан алды.
"Салтанатты шарада "Қазақстанның Еңбек ері" атағы "Қазақстан темір жолы" ұлттық компаниясының ардагері Қалтай Сәмбетовке берілді", – делінген Ақорданың ресми хабарламасында.
Сәмбетов темір жол саласы мен көлік инфрақұрылымын дамытуға ерекше үлес қосты, оның үздіксіз еңбек өтілі 66 жылды құрады.
Сурет: akorda.kz
"Жоғары мемлекеттік награда көлік саласының өкіліне алғаш рет тапсырылып отыр", – деп Ақорда қызықты дерекпен бөлісті.
Айта кетейік, Тоқаев Сәмбетовпен 2024 жылдың ақпан айында кездескен болатын. Ардагер оған ерекше сыйлық – теміржолшы шамын сыйлаған.