Бұрын Жұлдыз Сүлейменоваға тиесілі болған бос депутаттық мандат Әбутәліп Мүтәліге берілді. Партияның Саяси кеңесі бюросының тиісті қаулысы Орталық сайлау комиссиясына жолданған.
Партия мәліметінше, Әбутәліп Мүтәлі — Президенттік жастар кадр резервінің мүшесі және "Болашақ" бағдарламасының түлегі. Ол цифрлық технологиялар мен жасанды интеллект саласының маманы ретінде танымал.
Сондай-ақ партия өкілдері Мүтәлидің тағайындалуы Amanat партиясының жас кәсіби мамандарды қолдау және елдегі цифрлық трансформацияны дамыту бағытын айқындайтынын атап өтті.